წესები

№1 რუსთავის ავტობაზრობა AUTOPAPA- პარკირების მომსახურების გაწევის შესახებ წესები (ხელშეკრულება) 

 

1. საერთო დებულებები:

1.1. წინამდებარე პარკირების მომსახურების გაწევის შესახებ სტანდარტული ხელშეკრულება (შემდგომში  წესები ან/და ხელშეკრულება) შედგენილია საქართველოში მოქმედი კანონმდებლობის შესაბამისად, არეგულირებს პარკირების მომსახურების გაწევის სფეროში არსებულ და სხვა ურთიერთობებს კონტრაგენტებთან და ადგენს წინასწარ გამიზნულ, მრავალჯერადი გამოყენებისათვის საჭირო პირობებს, რომლებიც განკუთვნილია პირთა განუსაზღვრელი წრისათვის.

2. წინამდებარე წესებში გამოყენებული ტერმინები განიმარტება შემდეგნაირად:

2.1. ავტობაზრობა AUTOPAPA   ან  ავტობაზრობა  - კერძო საკუთრება, შემოსაზღვრული ღობით, მისამართზე: ქ. რუსთავი, დოსააფის მიმდებარე ტერიტორია.

2.2. შემსრულებელი  - შ.პ.ს. რუსთავის ავტობაზრობა, ს/კ 416289377

2.3. ავტობაზრობის მომსახურეობები - შემსრულებლის  მიერ  ავტობაზრობის  ტერიტორიაზე თავისუფალი გადაადგილების უფლების  მინიჭება  და  აგრეთვე  სხვა  მომსახურება, რომელსაც   დამკვეთი  იღებს  ავტობაზრობაზე, მათ შორის,  პარკირების მომსახურება.

2.4. დამკვეთი - ნებისმიერი იურიდიული ან ფიზიკური პირი, რომელიც იმყოფება  ავტობაზრობა  AUTOPAPA-ს ტერიტორიაზე და იღებს  ავტობაზრობის მომსახურებას

2.5. პარკინგი –  ავტობაზრობის  ბეტონის ზედაპირის ნაწილი რამდენიმე ავტომობილის განსათავსებლად  პარკირების მომსახურების დადგენილი  ტარიფით.

2.6. საპარკინგე ადგილი  - ერთი  ავტომობილის  განსათავსებლად პარკინგის  დანომრილი ნაწილი, რომელიც შემოსაზღვრულია ფერადი მარკირების ხაზებით.

2.7. პარკირების   მომსახურება  –  დამკვეთისათვის პარკინგზე საპარკინგე ადგილის გამოყოფა ავტომობილის მიბარების და შენახვის მომსახურების გარეშე.

2.8. ტარიფი - ავტობაზრობის ერთი ან რამდენიმე  მომსახურების  საფასური,  რომლის  საზომი  ერთეული  (ოდენობა) დგინდება შემსრულებლის დირექტორის მიერ. პარკირების მომსახურების ტარიფი  განთავსებულია სპეციალურ საინფორმაციო  სტენდზე,  რომელიც  მდებარეობს თითოეული პარკინგის შესასვლელთან.

2.9. ბილეთი - შემსრულებლის  კუთვნილი ფასიანი დოკუმენტი, რომელშიც ასახულია   ავტომობილის  სახელმწიფო    სარეგისტრაციო  ან/და ტრანზიტული ნომერი, ავტომობილის შემოსვლის თარიღი, ბილეთის  უნიკალური ნომერი და  ტარიფი.  ბილეთის აღებით და ავტობაზრობაზე  შემოსვლით  დამკვეთი  ეთანხმება წინამდებარე  წესებს  და   პარკირების  მომსახურების ტარიფებს. ბილეთის საფასურის სრული დაფარვა უნდა მოხდეს  პარკინგიდან  გასვლამდე.

2.10. გადახდის გადავადების მომსახურება - ფასიანი მომსახურება, რომელიც ანიჭებს  დამკვეთს  ავტობაზრობისგან მიღებული მომსახურების დარიცხული დავალიანების    გადავადების უფლებას.

2.11. დროებითი    შენახვის    საწყობი      (შემდგომში - საწყობი) - ავტობაზრობის  დაცული ტერიტორია, რომელზეც ხორციელდება იმ ავტოსატრანსპორტო საშუალებების განლაგება, რომელთა მფლობელმაც დაარღვია წინამდებარე  წესების  ერთ-ერთი პუნქტი. საწყობის  ტერიტორიაზე მოქმედებს  დროებითი შენახვის საწყობის წესები, რომელიც წარმოადგენს  წესების  განუყოფელ ნაწილს და მოქმედებს პარკირების მომსახურების    შესაბამისი  ტარიფი.

2.12. სტანდარტული  პარკირება - ნიშნავს ავტომობილის პარკირებას ბილეთში   მითითებული   პარკინგის   ნომრის მიხედვით  და საპარკინგე ადგილზე, მარკირების ხაზის შიგნით ისე, რომ არ ფერხდებოდეს სხვა ავტომობილების თავისუფალი გადაადგილება. ყველა სხვა შემთხვევა აღიქმება, როგორც  არასტანდარტული პარკირება  და ამგვარი მომსახურების საფასური განისაზღვრება წინამდებარე წესების პ.6.8 შესაბამისად.

2.13. დავალიანება - ხელშეკრულების დადების შემდგომ, დამკვეთისათვის შემსრულებლის მიერ განსაზღვრული ტარიფით დარიცხული პარკირების მომსახურების საფასურის ოდენობა, გადახდის გადავადების მომსახურების ოდენობა, მიუღებელი შემოსავლისა და სხვა მომსახურებათა საფასურის ოდენობა, რომელიც უნდა გადაიხადოს დამკვეთმა, სანამ დატოვებს საპარკინგე ადგილს. დავალიანების დაფარვამდე და ავტობაზრობის ტერიტორიის დატოვებამდე, შემსრულებელს აქვს გირავნობის უფლება ავტომობილზე.

2.14. გირავნობის უფლება - შემსრულების უფლება დამკვეთის ავტომობილზე, მათ შორის, დავალიანების დასაფარად ავტომობილზე აღსრულების მიქცევის მოთხოვნის უფლება მანამ, სანამ არსებობს დამკვეთის დავალიანება შემსრულებლის წინაშე და ავტომობილი განთავსებულია მის ტერიტორიაზე.

2.15. ხელშეკრულების დადება - მოქმედება, როდესაც დამკვეთი იღებს ბილეთს  და ავტომობილს ათავსებს ავტობაზრობის საპარკინგე ადგილზე, რითაც დასტურდება პარკირების  მომსახურების წესებსა და ტარიფებზე დათანხმება.

3. ხელშეკრულების საგანი:

 

3.1.  ხელშეკრულების დადების შემდგომ, შემსრულებელი უწევს ხოლო  დამკვეთი  იღებს პარკირების მომსახურებას და იღებს ვალდებულებას, გადაიხადოს პარკირების მომსახურების საფასური შესაბამის პარკინგზე დადგენილი ტარიფის მიხედვით. შემსრულებელი იტოვებს უფლებას, არ დაუშვას დამკვეთი ავტობაზრობაზე, ახსნა-განმარტების გარეშე.

3.2. მფლობელობითი გირავნობის საფუძველზე, შემსრულებელს უფლება აქვს ავტომობილის რეალიზაციით დაიკმაყოფილოს  ხელშეკრულებიდან გამომდინარე მოთხოვნები სხვა კრედიტორებთან შედარებით უპირატესად.

4. მომსახურების ფასი და გადახდის წესი:

4.1.   პარკინგზე შესვლიდან  დამკვეთს ყოველდღიურად ერიცხება ერთი დღის პარკირების მომსახურების საფასური  იმ  ტარიფის  მიხედვით, რომელიც მოქმედებს შესაბამის პარკინგზე.

4.2. ყოველდღიურად 00:00 საათზე  დამკვეთს  ერიცხება მომდევნო დღის პარკირების მომსახურება  და ასე შემდეგ, ბილეთის  სრულ გადახდამდე და  ავტომობილის   პარკინგიდან   გასვლამდე.

4.3. შესაძლებელია დამკვეთისათვის  სხვა ერთჯერადი მომსახურების დარიცხვა, რომლის ღირებულებაც აღნიშნულია საინფორმაციო სტენდზე.

4.4. თუ დავალიანებამ მიაღწია 300 ლარსა და მეტს, დამკვეთს ყოველდღიურად ერიცხება გადახდის გადავადების მომსახურების საფასური ყოველ ბილეთზე ცალ-ცალკე.

4.5.  ავტობაზრობის მომსახურების  საფასური ჯამდება და ემატება  დამკვეთის ბილეთის  საფასურს.

 

4.6. თუ დავალიანებამ მიაღწია 1000 ლარსა და მეტს, დამკვეთს ერთჯერადად  ერიცხება იურიდიული  ხასიათის მომსახურების საფასური ყოველ ბილეთზე ცალ-ცალკე,  რომელიც შეადგენს დავალიანების ოდენობის არაუმეტეს 45%-ს.

 

5. დამკვეთის პასუხისმგებლობა და მოვალეობები:

5.1. დამკვეთი      ვალდებულია:

5.1.1. ავტობაზრობის ტერიტორიაზე ყოფნის განმავლობაში დაიცვას წინამდებარე ხელშეკრულებით გათვალისწინებული მოთხოვნები.

5.1.2. ყოველდღიურად გადაიხადოს  ავტობაზრობის მიერ დადგენილი მომსახურების საფასური.

5.1.3. შემსრულებლისათვის ზიანის მიყენების შემთხვევაში სრულად აანაზღაუროს     მიყენებული ზიანი, მათ შორის, მიუღებელი შემოსავალი.

5.1.4. დაიცვას სახანძრო უსაფრთხოების წესები.

5.1.5. პარკირებამდე მოხსნას ავტომობილიდან ადვილად მოსახსნელი საგნები.

5.1.6. შეინახოს ავტომობილზე სახელმწიფო სარეგისტრაციო ან/და ტრანზიტული ნომერი.

5.1.7.  ხელშეკრულების  შეწყვეტის / მოშლის  შემთხვევაში,  სრულად დაფაროს შემსრულებლის  მიერ გაწეული მომსახურების დავალიანება.

5.1.8. უზრუნველყოს  საკუთარი  ავტომობილის უსაფრთხოება ავტობაზრობაზე .

5.1.9. დაუყოვნებლივ აცნობოს შემსრულებელს  ყველა  იმ  საკითხის  ან/და გარემოების   შესახებ,   რომლებმაც შეიძლება   რაიმე სახის გავლენა მოახდინონ ვალდებულების შესრულების ან/და ავტომობილის ან/და მისი უფლებრივად დატვირთვის ან მასზე უფლების გადაცემაზე.

5.1.10. შემსრულებლის მოთხოვნის შემთხვევაში, წარუდგინოს მისი უფლებამოსილების დამადასტურებელი და ავტომობილთან დაკავშირებული ყველა დოკუმენტაცია.

5.1.11. შემსრულებლის მოთხოვნის შემთხვევაში, წარუდგინოს მისი უფლებამოსილების და ავტომობილთან დაკავშირებული ყველა დოკუმენტაცია.

6. ავტობაზრობის სხვა მომსახურებების საფასური:

6.1. გადაუდებელი გასვლის მომსახურება  – დამკვეთის  მიერ  საპარკინგე ზონის დატოვება  ავტომობილით ბილეთის   გადახდის  გარეშე - 500 ლარი თითოეულ  ავტომობილზე.

6.2.    საყოფაცხოვრებო   ნარჩენების   გატანის   მომსახურება    – დამკვეთის  ნებისმიერი რაოდენობის საყოფაცხოვრებო ნარჩენების გატანა (მათ შორის სიგარეტის ნამწვი, ქაღალდი, ბოთლები და სხვა), რომელსაც  დამკვეთი  ტოვებს სანაგვე ურნებს გარეთ - 50 ლარი საყოფაცხოვრებო   ნარჩენის   თითოეული   სახეობისთვის.

6.3. კომერციული საქმიანობის მომსახურება  –  დამკვეთისათის კომერციული საქმიანობის განხორციელების შესაძლებლობის მინიჭება (მათ შორის გარე ვაჭრობა სიგარეტებით, სასმელებით, საკვები პროდუქტებით და სხვა საქონლით  ვაჭრობა) – 100 ლარი დღიურად.

6.4. მომსახურება  ნომრის გარეშე   -  პარკინგზე ავტომობილის განთავსება სახელმწიფო სარეგისტრაციო  ან სატრანზიტო ნომრის გარეშე - 100 ლარი თითოეულ ავტომობილზე.

6.5. ბილეთის აღდგენის მომსახურება  -  დამკვეთის  მიერ დაკარგული  ბილეთის  აღდგენა - 10 ლარი ერთ  ბილეთზე.

6.6.  ფოტო-ვიდეო გადაღების მომსახურება  - ფოტო და ვიდეო გადაღების  შესაძლებლობის  მინიჭება -  დღიურად 50  ლარი.

6.7. მარკეტინგული მომსახურება  –  დამკვეთისათვის საქონლისა ან/და მომსახურების რეკლამირების, ან ნებისმიერი სხვა სახის სარეკლამო პროდუქციის გავრცელების მომსახურება - დღიურად 200 ლარი.

6.8. არასატანდარტული პარკირების მომსახურება - დამკვეთისათვის პარკირების უფლებამოსილების მინიჭება პარკირების ადგილის გარეთ,  რომელიც მითითებული არ არის ბილეთში ან/და პარკირება მარკირების ხაზის გარეთ, რაც აფერხებს  სხვა ავტომობილების გადადგილებას - თითოეული ასეთი პარკირებისათვის 40 ლარი დღიურად.

6.9. საპირფარეშო     მომსახურების     გაწევა     ტერიტორიაზე - საზოგადოების შეურაცხმყოფელი ქცევა, ავტობაზრობის ტერიტორიაზე ბუნებრივი მოთხოვნილებების დაკმაყოფილება ავტობაზრობის ტერიტორიაზე სპეციალურად გამოყოფილი ადგილის გარეთ  - ყოველ ჯერზე 50 ლარი.

6.10. პარკინგზე უბილეთოდ შესვლის მომსახურება- დამკვეთის მიერ, ფასიანი პარკინგებისა და სალონების ტერიტორიაზე შესვლა, სისტემა "სკუდ"-ში რეგისტრაციის გავლისა და პარკირების ბილეთის მიღების გარეშე- გადაიხდება ავტობაზრობის სერვის ცენტრში, ჯამურად 200 ლარი ერთჯერადათ და კონკრეტულ პარკინგზე დადგენილი ტარიფით, მიღებული მომსახურების შესაბამისად.

6.11. სასტუმრო AUTOPAPA-ს მიმდებარე ტერიტორიაზე პარკირების მომსახურება - სასტუმრო AUTOPAPA-ს მიმდებარე ტერიტორიაზე სტუმრებისათვის,  ცხოვრების დროს პარკირება უფასოა. სტუმარის სასტუმროდან გასვლის შემდგომ, პარკირების საფასური განისაზღვრება დადგენილი ტარიფით. სასტუმროს მიმდებარე პარკინგის ტარიფიკაციის შესახებ დამატებითი ინფორმაცია გაიცემა სასტუმროს მიმღებში (რესეფშენზე).  სასტუმროს მიმდებარე ტერიტორიაზე პარკირება ვიზიტორთათვის რომლებიც არ ცხოვრობენ სასტუმროში, ასევე ფასიანია.

6.12. ავტომობილის გაყიდვის მომსახურება ფასმაჩვენებლის გარეშე  (ფასის მითითების გარეშე- დამკვეთისათვის  ავტომობილის გაყიდვის შესაძლებლობაფასმაჩვენებლის გარეშე  (ფასის მითითებისგარეშე) - 40 ლარი თითოეულ ავტომობილზე ყოველდღიურად.

7. შემსრულებელი   უფლებამოსილია:

7.1.  ცალმხრივად   შეცვალოს, დაადგინოს მომსახურების პირობები და  წესები, ტარიფის  ოდენობა, მათი გადახდის წესები  დამკვეთის  წინასწარი გაფრთხილების გარეშე.

7.2. ცვლილებები ძალაში შედის ქვემოთ ჩამოთვლილი კორპორატიული საინფორმაციო საშუალებებიდან ერთ-ერთზე პუბლიკაციის მომენტიდან:

7.2.1. კორპორატიული საიტი: http://autobazroba.com;

7.2.2. კორპორატიული      საიტი: https://autopapa.ge;

7.2.3. გვერდი სოციალურ ქსელში: https://www.facebook.com/autopapa.ge

7.2.4. ხმოვანი მოწყობილობის საშუალებით, რომელიც განთავსებულია მე-3 პარკინგზე.

7.2.5. ავტობაზრობაზე  განთავსებული საინფორმაციო  სტენდები.

7.3. შეუცვალოს ავტომობილს ადგილმდებარეობა დამკვეთზე  შეტყობინების გარეშე გადაუდებელი აუცილებლობის შემთხვევაში, მაგალითად, თუ ტერიტორიაზე ხანძარია, მიმდინარეობს სარემონტო სამუშაოები ან დაირღვა მე-5 მუხლის რომელიმე პუნქტი.

7.4. დააკისროს დამკვეთს მატერიალური პასუხისმგებლობა წინამდებარე  წესების  დარღვევის შემთხვევაში.

7.5.   ცალმხრივად მოშალოს პარკირების  მომსახურების  ხელშეკრულება (2 თვიანი ვადის დაცვით, შეტყობინება შესაძლებელია იყოს წერილობითი ან/და გამოქვეყნდეს მასმედიის საშუალებით), თუ  დამკვეთი  უხეშად, სისტემატურად არღვევს წინამდებარე  წესებს  ან/და არღვევს მომსახურების საფასურის გადახდის წესს, აგრეთვე, უფლებამოსილია, შეუწყვიტოს მომსახურების საფასურის დარიცხვა. ხელშეკრულების შეწყვეტამდე ავტობაზრობის მომსახურების ყველა დარიცხული საფასური ექვემდებარება სრულ გადახდას. ხელშეკრულების მოშლის შემთხვევაში, შემსრულებელი აგრეთვე უფლებამოსილია, მოითხოვოს მიუღებელი შემოსავლის მიღება დამკვეთისგან.

7.6. ხელშეკრულების მოშლის შემდგომ, მოითხოვოს დავალიანების გადახდა სასამართლო მიმართვის გზით და ისარგებლოს გირავნობის უფლებით,  კერძოდ,  მოითხოვოს, დავალიანების დაფარვის მიზნით აღსრულება მიექცეს (რეალიზაციის გზით) დამკვეთის ავტომობილზე. იმ შემთხვევაში, თუ რეალიზაციით მიღებული თანხა არ დაფარავს შემსრულებლის მიმართ არსებულ დავალიანებას, აღსრულება მიექცეს დამკვეთის ნებისმიერ შემოსავალსა და ქონებაზე.

7.7. თუ ხელი შეეშლება წინამდებარე ხელშეკრულებით მინიჭებული უფლებების განხორციელებაში, მესამე პირებთან ურთიერთობაში გამოიყენოს იგივე უფლებები რაც დამკვეთმა.

8. შემსრულებელი არაა პასუხისმგებელი:

8.1. პირადი ნივთების ან ავტოსატრანსპორტო საშუალებების ნაწილის დაკარგვა-დაზიანებაზე.

8.2. სტიქიური მოვლენების (წვიმა, ქარი, სეტყვა,თოვლი და სხვა) მიერ ან ნებისმიერი მესამე პირის მიერ მიყენებულ ზარალზე.

8.3. ავტობაზრობაზე მომხდარ ავტოსაგზაო შემთხვევებზე, რომლებიც შეიძლება მოხდეს მესამე პირებს შორის. სრული პასუხისმგებლობა ეკისრება ავტოსატრანსპორტო შემთხვევის მონაწილეებს, შემსრულებელი კი, თავის მხრივ, უზრუნველყოფს ადგილზე სამართალდამცავი ორგანოების გამოძახებას.

8.4. დამკვეთისთვის მიყენებული ზიანის ანაზღაურებაზე, თუ დამკვეთი  სარგებლობდა  არასტანდარტული პარკირებით.

9. ხელშეკრულების მოქმედების ვადა:

9.1. მხარეებს შორის ხელშეკრულების დადების შემდგომ, წინამდებარე ხელშეკრულება მოქმედებს 6 თვიანი ვადის დაცვით, რომელიც ყოველ ჯერზე გრძელდება იმავე ვადითა და პირობებით, გარდა 9.2. მუხლში მითითებული გამონაკლისისა.

9.2. იმ შემთხვევაში თუ დამკვეთმა განათავსა ავტომობილი ავტობაზრობაზე და მას ერთხელაც არ გადაუხდია  პარკირების საფასური ან/და აქვს დავალიანება, რომელიც სცდება 2 000 ლარს, ხელშეკრულება ჩაითვლება მოშლილად და შემსრულებელს უფლება აქვს, მიმართოს სასამართლოს და იმოქმედოს წინამდებარე წესების მიხედვით.

9.3. ხელშეკრულების მოშლის შემთხვევაში, ტარიფით განსაზღვრული საფასური და გადახდის გადავადების მომსახურების საფასური დამკვეთს შესაძლოა დაერიცხოს (შემსრულებლის შეხედულებისამებრ) მანამ, სანამ ვალდებულება შემსრულების მიმართ არ იქნება შესრულებული სრულად და ჯეროვნად.

10. სპეციალური (განსაკუთრებული) პირობები:

10.1. პარკირების მომსახურების საფასურის გადახდა იწარმოება საქართველოს ეროვნული ვალუტაში - ლარით. 

10.2. წინამდებარე წესები (ხელშეკრულება) მოქმედებს მხარეთა მიერ აღებული ვალდებულებების სრულ და ჯეროვან შესრულებამდე.

10.3. პარკინგზე შესვლის დროს აუცილებელია დამკვეთმა მიიღოს ბილეთი და  შეინახოს გასვლამდე.

10.4. წინამდებარე წესები შედგენილია თანაბარი ძალის მქონე ორ ეგზემპლარად ქართულ და რუსულ ენაზე, შეუსაბამობის შემთხვევაში, უპირატესობა მიენიჭება ქართულ ვერსიას.

10.5. დამკვეთსა და შემსრულებელს შორის დავის არსებობის შემთხვევაში,   საქმე განიხილება   საქართველოს კანონმდებლობის შესაბამისად.

 რუსთავის ავტობაზრობაზე მომსახურების გაწევის წესების დაცვაზე პასუხისმგებელი პირი

უსაფრთხოების სამსახურის ხელმძღვანელი

ტელ: +995 322 05 05 55
E-Mail: info@autopapa.ge
     
აირჩიეთ ტრანსპორტირების ქვეყანა
Select your language / აირჩიეთ ენა /Оберіть свою мову
თქვენი კომფორტისათვის ყველა ფასი ნაჩვენები იქნება დოლარის ექვივალენტში