Public agreement Mikado

საჯარო ხელშეკრულება №1
საჯარო  ხელშეკრულება საბაჟო კონტროლის ზონაში პარკირების მომსახურების  გაწევის შესახებ

ქალაქი რუსთავი 2016 წლის 17  თებერვალი 

შეზღუდული პასუხისმგებლობის საზოგადოება შპს მიკადო ჯორჯია (ს/კ 202393551), ხელმძღვანელობს რა საქართველოს მოქმედი კანონმდებლობით, პირთა განუსაზღვრელ წრეს საჯაროდ   სთავაზობს, საბაჟო კონტროლის ზონაში პარკირების  მომსახურების მიღების შესაძლებლობას, რისთვისაც აქვეყნებს წინამდებარე საჯარო ხელშეკრულებას შემდეგზე:

 

მუხლი 1. წინამდებარე ხელშეკრულებაში გამოყენებულ  ტერმინთა განმარტება

1.1.       ხელშეკრულებაში გამოყენებულ ტერმინთა  განმარტება:

ა) ხელშეკრულების მხარეები - შემსრულებელი და დამკვეთი;  

ბ) შემსრულებელი - შეზღუდული პასუხისმგებლობის საზოგადოება შპს მიკადო ჯორჯია (ს/კ 202393551).       

გ) შეთანხმება ხელშეკრულებასთან შეერთების შესახებ - ნიშნავს მოცემული ხელშეკრულების განსაკუთრებულ პირობებს არსებითი პირობების მითითებით, რომელზე ხელმოწერითაც „დამკვეთი“ იძლევა თანხმობას ხოლო „შემსრულებელი“ აცხადებს მზადყოფნას, შეასრულოს წინამდებარე ხელშეკრულებით განსაზღვრული პირობები 

დ) დაკვეთა - იგულისხმება მექანიკური  ავტოსატრანსპორტო საშუალებისათვის პარკირების მომსახურეობის გაწევა, პირი რომელსაც მინიჭებული უფლებამოსილების/მინდობილობის საფუძველზე შემოყავს მექანიკური ავტოსატრანსპორტო საშუალება ასრულებს მხოლოდ „გადამნდობის“ ფუნქციას პასუხისმგებლობა კი გადადის ავტომობილის მფლობელზე.                    

ე) დამკვეთი - იგულისხმება ყოველთვის  „მფლობელი“. მფლობელად არ ითვლება ის პირი,  რომელიც,  თუმცა ახორციელებს ფაქტობრივ ბატონობას ნივთზე,  მაგრამ სხვა პირის სასარგებლოდ,  და რომელსაც ნივთის ფლობის უფლებამოსილება მიღებული აქვს ამ პირისაგან.  მფლობელად მიიჩნევა მხოლოდ უფლებამოსილების მიმნიჭებელი პირი.  თუ პირი ნივთს ფლობს იმ სამართლებრივი ურთიერთობის საფუძველზე, რომელიც განსაზღვრული ვადით ანიჭებს მას ნივთის ფლობის უფლებას ან ავალდებულებს მას ფლობდეს ნივთს,  მაშინ ეს პირი ითვლება პირდაპირ მფლობელად,  ხოლო უფლების მიმნიჭებელი ან ვალდებულების დამკისრებელი მიიჩნევა არაპირდაპირ მფლობელად. რომლის სახელზეც ან სახელითაც შემოდის მექანიკური ავტოსატრანსპორტო საშუალება „შემსრულებლის“ ტერიტორიაზე და  აღირიცხება როგორც „მფლობელი“.  

ვ) დამკვეთი შეიძლება იყოს ნებისმიერი ფიზიკური/იურიდიული პირი (წარმოდგენილი უფლებამოსილი პირის სახით რომელიც მოქმედებს მისთვის  მინიჭებული  უფლებამოსილების ფარგლებში).   

ზ) მფლობელი - ივარაუდება რომ მფლობელი წარმოადგენს მექანიკური  ავტოსატრანსპორტო საშუალების მესაკუთრეს. 

თ) საბაჟო კონტროლის ზონა - წარმოადგენს ღია ტიპის საბაჟო ტერმინალს ე.წ. „ღია მოედანს“, რომელიც ახორციელებს მომსახურეობის გაწევას საქართველოს ფინანსთა სამინისტროს შემოსავლების სამსახურის ბრძანების, საქართველოს ფინანსთა მინისტრისა და საქართველოს შინაგან საქმეთა მინისტრის ერთობლივი ბრძანების N998-1188, საქართველოს მთავრობის დადგენილებისა და შპს მიკადო ჯორჯიას  დირექტორის ბრძანების საფუძველზე მიღებული „საბაჟო კონტროლის ზონაში პარკირების და მომსახურების წესის გაწევის შესახებ“ ხელშეკრულების და ხელშეკრულებასთან მიერთების შესახებ შეთანხმებით  რომელიც ითვლება წინამდებარე საჯარო ხელშეკრულების განუყოფელ ნაწილად.                       

ი) ღია მოედანი - პარკირებისა და მომსახურეობის გაწევის ადგილი მდებარეობს მისამართზე: ქ.რუსთავი თბილისი წითელი-ხიდის გზატკეცილი,დოსააფის მიმდებარე ტერიტორია (ავტომობილების ბაზრობა „AUTOPAPA“ -შემდგომში „ტერიტორია“) რომელიც დაყოფილია პარკირების ზონებად   ხოლო პარკირების ზონები შესაბამისი ნომრიან პარკირების ადგილებად.

კ) მომსახურეობის გაწევა - ნიშნავს მხოლოდ და მხოლოდ პარკირების ადგილის გამოყოფას, მომსახურეობის გაწევას  წინამდებარე ხელშეკრულების, ხელშეკრულებასთან მიერთების შესახებ შეთანხმების  და საქართველოს კანონმდებლობით გათვალისწინებით, „ღია მოედანზე“  ავტომობილის შემოყვანა ხდება საქართველოს კანონმდებლობით გათვალისწინებილი მექანიკური ავტოსატრანსპორტო საშუალების სავალდებულო პროცედურის გავლისათვის „განბაჟებისათვის“ დროებით თავის არიდების მიზნით.         

ლ) ავტოტრანსპორტი - მექანიკური ავტოსატრანსპორტო საშუალება                                    

მ) ბილეთი - „დამკვეთისათვის“ გადაცემული სპეციალური ნებართვა რომელიც დაბეჭდილია ქაღალდის მატარებელზე. 

ნ) დროებითი  გასვლა - „დამკევთის“ მიერ „ღია მოედანი“-ს 48 საათით დატოვება.                    

ო) დავალიანება - ნიშნავს „დამკვეთის“ ფულად ვალდებულებას „შემსრულებლის“ მიმართ, რომლის ვადაც დადგა ან ამ ფულადი ვალდებულების მიხედვით გადასახდელ თანხას. 

პ) ყოველდღიური გადახდა - ნიშნავს მომსახურებისთვის გაწეული საფასურის გადახდას, რომელიც განსაზღვრულია ხელშეკრულებასთან შეერთების შესახებ შეთანხმებაში, რომელსაც „დამკვეთი“ უხდის „შემსრულებელს“.      

ჟ) სწორი (სტანდარტული) პარკირების მომსახურება - ნიშნავს ავტოტრანსპორტის განთავსებას  (2,5მ.X5მ. შემოსაზღვრულია ბეტონის საფარზე  ნიშნულში)   „ღია მოედანზე“. 

რ) არასწორი (არასატნდარტული) პარკირების მომსახურება - ავტოტრანსპორტის ან მისი ნებისმიერი ნაწილის ისეთი სახით განთავსება, რომელიც ცდება „გეომეტრიული ფიგურის“ ფორმას „სწორ (სტანდარტულ) პარკირებას“ 2,5მ.X5მ. შემოსაზღვრულია ბეტონის საფარზე  ნიშნულით).აღნიშნული მომსახურების საფასურია 40 ლარი. 

ს) უზრუნველყოფის საგანი - ძირითადი ხელშეკრულებით ტვირთული ვალდებულების  შესრულებისათვის გირავნობით დატვირთული დამკვეთის საკუთრებაში არსებული მოძრავი ნივთი ავტომობილი. 

ტ) შენახვის ხარჯების - დავალიანება რომელიც გააჩნია დამკვეთს შემსრულებლის მიმართ მომსახურების გაწევის პირველივე დღიდან. 

უ) გირავნობის უფლება - დამკვეთის მიერ ტვირთული ვალდებულების  შესრულების (დავალიანების დაფარვის)  უზრნუველსაყოფად, შემსრულებლის სასარგებლოდ წარმოშობილი აქსცესორული უფლება, დამკვეთის საკუთრებაში მყოფ ავტომობილზე. 

ფ) ვალდებულების შესრულების მიზნით ტვირთული ნივთის რეალიზაცია - ღონისძიება (ქმედება) რომელიც მოყვება უზრუნველყოფილი ვალდებულების დამკვეთის მიერ შეუსრულებლის შემთხვევაში

ქ) ძირითადი ხელშეკრულება - წინამდებარე ხელშეკრულების მიზნებისათვის პარკირების მომსახურების გაწევის ხელშეკრულება.

ღ) დანართი 1- ძირითადი ხელშეკრულების ვალდებულების უზრუნველყოფის მიზნით გაფორმებულ გირავნობის ხელშეკრულება,რომელზეც მიერთება ხდება შესაბამისი შეთანხმების გაფორმების გზით, რომელიც  წარმოადგენს წინამდებარე ხელშეკრულების,  განუყოფელი ნაწილს.

ყ) უზრუნველყოფილი ვალდებულება - მხარეთა შორის გაფორმებული ძირითადი ხელშეკრულებით ნაკისრი ვალდებულება. 

 

მუხლი 2. ხელშეკრულების საგანი

2.1. ე.წ. „ღია მოედანი“ ახორციელებს მომსახურეობის გაწევას საქართველოს ფინანსთა სამინისტროს შემოსავლების სამსახურის ბრძანების, საქართველოს ფინანსთა მინისტრისა და საქართველოს შინაგან საქმეთა მინისტრის ერთობლივი ბრძანებისა N998-1188, საქართველოს მთავრობის დადგენილების, შპს მიკადო ჯორჯიის დირექტორის ბრძანების საფუძველზე მიღებული, საჯარო ხელშეკრულებით  „საბაჟო კონტროლის ზონაში პარკირების მომსახურების წესის გაწევის შესახებ“ და შეთანხმებით საჯარო  ხელშეკრულებასთან შეერთების შესახებ, ავტომობილის „მფლობელის“  მიმართ.                    

2.2.  „შემსრულებელი“ აწვდის „დამკვეთს“ პარკირების ადგილის გამოყოფის მომსახურებას, მიბარების და შენახვის მომსახურეობის გარეშე. „ღია მოედანზე“„დამკვეთი“ შემოდის ავტომობილის განბაჟებისგან დროებით თავის არიდების მიზნით რომელიც გათვალისწინებულია საქართველოს კანონმდებლობით. ხელშეკრულებასთან მიერთების შესახებ შეთანხმება წარმოადგენს ამ ხელშეკრულების განუყოფელ ნაწილს, სადაც აღინიშნება  ავტოტრანსპორტის  მარკა, მოდელი, ვტტ ნომერი, ხელშეკრულების დადების  დრო, „დამკვეთის“ პირადი მონაცემები,        

2.3. „დამკვეთი“ იღებს ვალდებულებას გადაიხადოს „შემსრულებლის“ მიმართ მომსახურების გაწევისათვის დაწესებული  გადასახადი  წინამდებარე ხელშეკრულების პირობებით.                

2.4. წინამდებარე ხელშეკრულება საჯაროდ შეეხება პირთა განუსაზღვრელ წრეს, საბაჟო კონტროლის ზონაში პარკირების  მომსახურების მისაღებად მისი განთავსების გზით (პუბლიკაციით): „შემსრულებლის“ ოფიციალურ საიტზე  (ლინკი https://autopapa.ge/ge/page/public-agreement-mikado)  (მუდმივად ხელმისაწვდომია გასაცნობად); 

2.5. ითვლება რომ პირი ხელშეკრულებაზე მიერთების შესახებ შეთანხმების ხელმოწერის მომენტიდან გაეცნო და ეთანხმება წინამდებარე ხელშეკრულების პირობებს რასაც ადასტურებს თავისი ხელმოწერით. 

 

მუხლი 3. ღია მოედანზე პარკირების მომსახურების წესები

3.1. „ღია მოედანზე“  შესვლა შესაძლებელია კვირის ნებისმიერ დღეს 24 საათის განმავლობაში თუ თავისუფალი ადგილი  გააჩნია „შემსრულებელს“ პარკირების ზონაში. „ღია მოედნიდან“ გასვლა კი შესაძლებელია მას შემდეგ რაც „დამკვეთი“ შეასრულებს მასზე დაკისრებულ მოვალეობებს სრულად და ჯეროვნად.             

3.2. “შემსრულებელი“  „დამკვეთის“  ტერიტორიაზე შემოსვლის შემდგომ ავტოტრანსპორტს  აფიქსირებს    საიტ: http://rs.ge, კომპიუტერულ პროგრმა „მია“-ში,კომპიუტერულ პროგრამა „პირს“-ში,კომპიტერულ პროგრამა „სკუდ“-ში.       

3.3. „დამკვეთს“ შემოსვლის დროს ეძლევა ბილეთი,  სადაც მითითებულია თუ რომელი პარკირების ზონის ნომრიან ადილზე უნდა  განთავსდეს  ავტოტრანსპორტი, აღნიშნულია მისი სახელი და გვარი, ტელეფონის ნომერი, შემოსვლის დრო. იმ შემთხვევაში თუ „დამკვეთი“ და „შემსრულებელი“ შეთანხმდებიან პარკირების ადგილის შეცვლაზე, „დამკვეთი“ მიიღებს ახალ ბილეთს ,მაგრამ ამ შემთხვევაში მომსახურეობის თანხის გადახდა მოხდება ახალ ბილეთში მითითებული პარკირების ზონის ნომრიანი   ადგილისათვის გადასახდელი საფასურის მიხედვით, იმ დღიდან რა დღიდანაც მოხდა პარკირების ბილეთის გაცემა.                            

3.4. „დამკვეთი“  ვალდებულია ავტოტრანსპორტის გაჩერება უზრუნველყოს წინამდებარე ხელშეკრულების წესების შესაბამისად.   

3.5. „დამკვეთმა“ წინასწარ უნდა აცნობოს „შემსრულებელს“ რომ სურს ისარგებლოს  მომსახურების სახით „არასწორი (არასტანდარტული) პარკირებით“ ასეთ შემთხვევაში აღნიშნული მომსახურების საფასური დამატებული/ასახული იქნება მთლიანი მომსახურების საფასურში.იმ შემთხევაში თუ „დამკვეთი“  იყენებს მომსახურების ამ სახეს მაგრამ არ აცნობა „შემსრულებელს“ ამის შესახებ,მომსახურების საფასური ავტომატურად დაერიცხება „დამკვეთს“ რის შესახებაც დამკვეთი გაფრთხილებული იქნება პირადად სატელეფონო კომუნიკაციის საშუალებით. აღნიშნული მომსახურების საფასური დაერიცხება „დამკვეთს“ სანამ გააჩერებს ავტოტრანსპორტს  “სწორი(სტანდარტული) პარკირებით”.

 

მუხლი 4. პარკირების მომსახურების ფასი და მათი გადახდის წესი

4.1. მომსახურების საფასური პარკირების ზონების მიხედვით. 

პარკინგის დასახელება (კოდი) 

T-1

მომსახურების საფასური,ლარი 

5

 

 

 

 

 

4.2. ავტოტრანსპორტის შემოსვლის დროს „დამკვეთი“ იხდის  5 (ხუთ) ლარს მომსახურეობის ერთჯერადი გაწევის  გამო. 

4.3. დამკვეთი ვალდებულია დავალიანება გადაიხადოს სრულად სანამ დავალიანება არ მიაღწევს 300 ლარს, წინააღმდეგ შემთხვევაში დაერიცხება დავალიანების გადახდის გადავადების საფასური 5 (ხუთი) ლარის ოდენობით, მომსახურების ყოველ დღეზე. 

4.4. „დამკვეთმა“ მომსახურების საფასური უნდა გადაიხადოს „შემსრულებლის“ კუთვნილ საბანკო ანგარიშზე ან/და შემკვეთის სალარო ჯიხურში ხელზე. 

4.5. მხარეთა შორის ანგარიშსწორება ხორციელდება ეროვნულ ვალუტაში. 

4.6. დამკვეთი ვალდებულია მოახდინოს პარკირების საფასურის გადახდა ყოველდღიურად. 

 

მუხლი 5. მხარეთა პასუხისმგებლობა    

5.1.„შემსრულებელი“  უფლებამოსილია                     

ა) დაადგინოს, შეცვალოს მომსახურების პირობები და წესები, ტარიფების ოდენობა, მათი გადახდის წესები და შემდეგ ცალმხრივად შეცვალოს ისინი. „შემსრულებელი“ ამ შეტყობინებას  ავრცელებს და აქვეყნებს  მის მიერ დადგენილი წესით საკუთარ ოფისში ან/და საიტზე (ლინკი  www.autopapa.ge ) . თუ ცვლილებების შედეგად იზრდება მომსახურების საფასური ან კანონმდებლობით გათვალისწინებულ სხვა შემთხვევებში „შემსრულებელი“  მიიღებს ზომებს და უზრუნველყოფს „დამკვეთის“ ინფორმირებას ინდივიდუალური შეტყობინების,სატელეფონო ზარით ან სხვა   საშუალებით, ყველა სხვა შემთხვევაში „დამკვეთის“ მფლობელობაში არსებულ ტერიტორიაზე ინფორმაციის გამოქვეყნება ჩაითვლება  „დამკვეთისათვის“  ცნობილ- მისულ შეტყობინებად. 

ბ) დამკვეთის შეუტყობინებლად შეცვალოს (გაადიდოს, შეამციროს „ღია მოედანის“  მოცულობა)   . 

გ) „დამკვეთის“ მიერ მითითებულ ნომერზე წინასწარი გაფრთხილების შემდგომ შეუცვალოს ავტოსატრანსპორტო საშუალებას ადგილმდებარეობა თუ „მომხმარებელი“ თავს არიდებს ავტომობილის ერთი საპარკინგე ზონის ნომრიანი ადგილიდან სხვა საპარკინგე ზონის ან ნომრიან ადგილზე გადაყვანას,არ ასრულებს ან არაჯეროვნად ასრულებს ამ ხელშეკრულებით და საქართველოს კანონმდებლობით გათვალისწინებული მოვალეობათა შესრულებას. (ამ შემთხვევაში დგება შესაბამისი აქტი ხოლო ევაკუატორით მომსახურების,ბილეთის შეცვლის ხარჯები, ეკისრება „დამკევთს)“ 

დ) შემსრულებელი უფლებამოსილია ცალმხრივად შეწყვიტოს ხელშეკრულება დამკვეთთან 1 თვიანი ვადის დაცვით, წერილობითი გაფრთხილების საფუძველზე. 

ე) მიმართოს სასამართლოს და მოითხოვოს სარეალიზაციოდ მიექცეს დამკვეთის კუთვნილი ავტოსატრანსპორტო საშუალება, შემკვეთის წინაშე არსებული დავალიანების დასაფარად, წინამდებარე ხელშეკრულების 6 მუხლის შესაბამისად

5.2. „დამკვეთი“ ვალდებულია:

ა) გადაიხადოს მის მიერ შერჩეული საპარკინგე ზონის ნომრიანი ადგილისათვის განკუთვნილი გადასახადი ყოველდღიურად.                       

ბ) შეასრულოს ხელშეკრულებით, მომსახურეობის წესებით,  განსაზღვრული სატარიფო გეგმით და მხარეთა შორის სხვა შეთანხმებებით, განსაზღვრული ვალდებულებები, პირობები და მოთხოვნები და განახორციელოს თავისი, როგორც „დამკვეთის“ , უფლებები პირადად, ან წარმომადგენელის მეშვეობით, რომელიც მოქმედებს კანონის ან მინდობილობის საფუძველზე. ამასთან, ფიზიკური პირის მიერ გაცემული მინდობილობა, აუცილებელი წესით, დამოწმებული უნდა იყოს ნოტარიულად ან „დამკვეთის“ მიერ განსაზღვრული წესებით, ხოლო იურიდიული პირის მიერ გაცემული მინდობილობა მოქმედი კანონმდებლობით განსაზღვრული წესით.       

გ) დაუყოვნებლივ პირადად მიმართოს, ან/და წერილობით შეატყობინოს „შემსრულებელს“ მის შესახებ ინფორმაციის (ფიზიკური პირის სახელის, გვარის და მისამართის და იურიდიული პირის სახელწოდების, სამართლებრივი ფორმის, ან შერწყმის/გაყოფის შესახებ, რეკვიზიტების, წარმომადგენლობითი უფლებამოსილების და იურიდიული მისამართის),აგრეთვე ავტოსატრანსპორტო საშუალების ნასყიდობის/ჩუქების/ან და სხვა   ხელშეკრულების დადების შესახებ რითაც იცვლება სატრანსპორტო საშუალების  „მფლობელი“ ან/და ავტოტრანსპორტის სამართლებრივი მდგომარეობა, ასევე ელექტრონული ფოსტის მისამართის ან სხვა, მათ შორის, ფაქტობრივი, საკონტაქტო მონაცემების ცვლილების შესახებ რამაც შეიძლება გავლენა მოახდინოს წინამდებარე პირობების შესრულებაზე. უწყება, გზავნილი, წერილი ან სხვა, ჩაბარებულად ჩაითვლება თუ ის გაგზავნილია მხარეთათვის ცნობილ უკანასკნელ მისამართზე. ასევე მინდობილობის ან რწმუნების შემთხვევაში მისი ცვლილების ან გაუქმების შესახებ.                       

დ) დაუყოვნებლივ ორი კალენდარული დღის ვადაში წერილობითი სახით შეატყობინოს „შემსრულებელს“ მისი გადახდისუუნარობის, რეორგანიზაციის ან ლიკვიდაციის საქმის წარმოების დაწყების, ან იმ სხვა გარემოებათა შესახებ, რომლებმაც შესაძლოა შეაფერხონ ან შეუძლებელი გახადონ  „„დამკვეთი“ მიერ ხელშეკრულებით ნაკისრი ვალდებულების შესრულება     

ე) აანაზღაუროს ყოველგვარი ზიანი რომელიც  მისი ბრალეულობით  მიყენებული იქნება „შემსრულებლისათვის“.            

ვ) შეინახოს სატრანსპორტო საშუალებაზე ადვილად მოსახსნელი საგნები, წინააღმდეგ შემთხვევაში „შემსრულებელი“ პასუხს არ აგებს მის დაკარგვაზე,დაზიანებაზე ან და სხვა იმდაგვარ შედეგზე რაც გაუფუჭებს „ავტოტრანსპორტის“ შემოყვანის დროს არსებულ მდგომარეობას.  

5.3. ღია მოედნის  ავტოტრანსპორტით დატოვება  ბილეთის გარეშე ან/და მცდელობა დატოვებისა ისე რომ ვალდებულება არ არის შესრულებული ჯეროვნად და  სრულად იწვევს დაჯარიმებას - 500 ლარის ოდენობით. „დამკვეთის“ მიერ, ასეთი სახის მცდელობის ან/და ქმედების განხორციელების შემთხვევაში,  ის იღებს სრულ  პასუხისმგებლობას როგორც მესამეთა პირთა ასევე სახელმწიფო ორგანოების მიმართ, ამ მცდელობით ან/და ქმედებით  „შემსულებლისათვის“ მიყენებული ზიანის ანაზღაურებაზე.

5.4. ხელშეკრულების ვადის გასვლის შემდგომ გაანთავისუფლოს შემსრულებლის კუთვნილი საბაჟო კონტროლის ზონა.

 

მუხლი 6. ტვირთული ვალდებულების უზრუნველსაყოფად გირავნობის უფლება დამკვეთის საკუთრებაზე.

6.1. შემსრულებელს მიმართ დამკვეთის ფულადი ვალდებულების/დავალიანების (შენახვის ხარჯების) მომავალში წარმოშობის და მისი უზრუნველყოფის გამო, შემსრულებელს წარმოეშობა მფლობელობითი გირავნობის უფლება, დამკვეთის კუთვნილ ავტოსატრანსპორტო საშუალებაზე. 

 6.1. გირავნობის ხელშეკრულება წარმოადგენს ძირითადი  ხელშეკრულებით ნაკისრი ვალდებულების შესრულების უზრუნველმყოფელ ხელშეკრულებას. 

6.2. გირავნობის ხელშეკრულება წარმოადგნეს წინამდებარე ხელშეკრულების დანართ 1 -ს, რომელიც არის მისი განუყოფელ ნაწილი.

6.3. წინამდებარე ხელშეკრულებასთან მიერთების შესახებ შეთანხმების ხელმოწერა ნიშნავს რომ დამკვეთი ნაკისრი ვალდებულების უზრუნველყოფისათვის ასევე უერთდება დანართი 1 მითითებულ პირობებს.

 

მუხლი 7. ხელშეკრულების მოქმედების ვადა და ხელშეკრულების  პირობების შეცვლის წესი

 7.1. წინამდებარე ხელშეკრულება ძალაში შედის ორივე მხარის მიერ ხელშეკრულებაზე შეერთების შესახებ შეთანხმების ხელმოწერის მომენტიდან და მოქმედებს მხარეთა მიერ ხელშეკრულების ხელმოწერიდან 1 წლის განმავლობაში.  

7.2. შემსრულებელს უფლება აქვს წინასწარი 1 თვიანი ვადის დაცვით მოშალოს ხელშეკრულება რის შესახებაც ატყობინებს დამკვეთს მისთვის ცნობილ ბოლო მისამართზე.  

7.2. წინამდებარე ხელშეკრულება შეიძლება გაგრძელდეს იგივე ვადითა და იგივე პირობებით ყოველჯერზე, მაგრამ არა უმეტეს 5 ვადისა. 

7.3. იმ შემთხვევაში თუ დამკვეთი არ ასრულებს ტვირთულ ვალდებულებას სრულად და ჯეროვნად, შემსრულებელს უფლება აქვს ცალმხრივად 2 კვირიანი ვადის დაცვით მოშალოს ხელშეკრულება, რის შესახებაც ატყობინებს დამკვეთს მისთვის ცნობილ ბოლო მისამართზე.  

7.4. წინამდებარე ხელშეკრულება შეიძლება შეიცვალოს „შემსრულებლის“ ინიციატივით ხელშეკრულების ცვლილებების განთავსებით (პუბლიკაციით):„შემსრულებლის“ ოფიციალურ საიტზე (ლინკი https://autopapa.ge/ge/page/public-agreement-mikado)  (მუდმივად ხელმისაწვდომია გასაცნობად). ხელშეკრულების ცვლილებები მოქმედებს „შემსრულებლის“ ოფიციალურ საიტზე მათი განთავსების მომენტიდან.     

   

მუხლი 8. ხელშეკრულების სხვა პირობები

 8.1. ამ ხელშეკრულების მიზნებისათვის „ფორს–მაჟორი“ ნიშნავს მხარეებისათვის გადაულახავ და მათი კონტროლისაგან დამოუკიდებელ გარემოებებს, რომლებიც არ არიან დაკავშირებული „დამკვეთის“ ან/და „შემსრულებლის“  შეცდომებსა და დაუდევრობასთან და რომლებსაც გააჩნია წინასწარ გაუთვალისწინებელი ხასიათი. ასეთი გარემოება შეიძლება გამოწვეულ იქნეს ომით, სტიქიური მოვლენებით, ეპიდემიით, კარანტინით და საქონლის მიწოდებაზე ემბარგოს დაწესებით, საბიუჯეტო ასიგნებების მკვეთრი შემცირებით და სხვა. აღნიშნულის შესახებ დაუყოვნებლივ უნდა ეცნობოს მეორე მხარეს, როგორც ზეპირად, ისე წერილობით.  

8.2. „შემსრულებელი“ პასუხს არ აგებს მის ტერიტორიაზე მომხდარ ავტოსაგზაო შემთხვევაზე,რომელიც შეიძლება მოხდეს დამკვეთსა  და მესამე პირებს შორის. სრული პასუხისმგებლობა ეკისრება ავტოსატრანსპორტო შემთხვევის მონაწილეებს, „შემსრულებელი“ კი თავის მხრივ უზრუნველყოფს ადგილზე სამართალდამცავი ორგანოების გამოძახებას.    

8.3.  „ღია მოედანზე“  ქონების დაზიანების, თუ სხვა კანონსაწინააღმდეგო ქმედების ჩადენის შემთხვევაში გამოძახებული იქნება კრიმინალური პოლიცია. „შემსრულებელი“ პასუხს არ აგებს მესამე პირთა მიერ მის ტერიტორიაზე კანონსაწინააღმდეგო ქმედების ჩადენის ფაქტთან დაკავშირებით. „შემსრულებლის“ ტერიტორიაზე  მესამე პირების მიერ ჩადენილი კანონსაწინააღმდეგო ქმედების ჩამდენი პირების პასუხისმგებლობა უშუალოდ გადადის ამ პირებზე მოქმედი კანონმდებლობით დადგენილი წესის შესაბამისად.

8.4. ურთიერთობის შესახებ, რომელიც არ არის მოხსენიებული წინამდებარე ხელშეკრულებაში მხარეები ხელმძღვანელობენ მოქმედი კანონმდებლობით.

 

მუხლი 9.ხელშეკრულების განსაკუთრებული პირობები

 9.1. „დამკვეთის“ უფლებაუნარიანობა.

9.1.1. „დამკვეთი“განაცხადებს და ადასტურებს, რომ:  

9.1.2. „დამკვეთს“  აქვს საჭირო უფლებაუნარიანობა და ქმედუნარიანობა ხელშეკრულების დასადებად და ხელშეკრულების მიხედვით ვალდებულებების შესასრულებლად. 

9.1.3. „დამკვეთის“ მიმართ არ არის აღძრული სისხლის სამართლის საქმე. 

9.1.4. „დამკვეთის“ მიერ წარდგენილი ყველა ცნობა, რომლებსაც მოიცავს წინამდებარე ხელშეკრულება ან „შემსრულებლისათვის“ წარდგენილი სხვა დოკუმენტები, წარმოადგენს სიმართლეს და ზუსტს.      

9.1.5. ეს ხელშეკრულება სათანადოდ იქნა დადებული „დამკვეთის“ მიერ მოქმედი კანონმდებლობის ყველა მოთხოვნასთან სრული შესაბამისობით. 

9.1.6. „დამკვეთმა“ სათანადოდ შეასრულა მოქმედი კანონმდებლობის თანახმად მოთხოვნილი ყველა ქმედება, ხელშეკრულების ნამდვილობის ძალისა და მისი იძულებით შესრულების შესაძლებლობის უზრუნველსაყოფად.       

9.1.7. „დამკვეთის“ მიერ წინამდებარე ხელშეკრულების დასკვნები და შესრულებები არ ეწინააღმდეგება „დამკვეთის“ მესამე პირებთან გარიგების დებულებებს, საქართველოს მოქმედ კანონმდებლობას, კანონქვემდებარე აქტებს, სასამართლო გადაწყვეტილებებს ან ნებისმიერი ხასიათის სხვა დოკუმენტებს, რომლებიც ადგენს „დამკვეთის“ იურიდიულ ვალდებულებებს.

 

მუხლი 10. დასკვნითი დებულებები

10.1. ამ ხელშეკრულებით გათვალისწინებული პირობების დარღვევისათვის „შემსრულებელი„ უფლებამოსილია დავალიანების ამოღების მიზნით მიმართოს სააღსრულებო ბიუროს გამარტივებული წესით წარმოების მოთხოვნით „დამკვეთის“  წინააღმდეგ.           

10.2. ხელშეკრულებიდან გამომდინარე ნებისმიერი დავა გადაიჭრება ურთიერთშეთანხმებით.შეთანხმების მიუღწევლობის შემთხვევაში დავა გადაწყდება კანონმდებლობით დადგენილი წესით რუსთავის საქალაქო სასამართლოსადმი მიმართვის გზის.ამასთან ხელშეკრულებაზე ხელმოწერით მხარეები თანხმდებიან, რომ პირველი ინსტანციის სასამართლოს მიერ მიღებული გადაწყვეტილება (მათ შორის გადახდის ბრძანება ) საქართველოს სამოქალაქო საპროცესო კოდექსის 268-ე 1.1. პუნქტის შესაბამისად მიექცევა დაუყონებლის  აღსასრულებლად. 

10.3. „დამკვეთის“ მიერ „შემსრულებლის“ ვებ გვერდზე (ლინკი https://autopapa.ge/ge/page/public-agreement-mikado).   ელექტრონული ფორმით წარმოდგენილი „საბაჟო კონტროლის ზონაში პარკირების მომსახურების  გაწევის შესახებ“ ხელშეკრულების პირობების გაცნობის შემდგომ, ხელშეკრულებასთან  მიერთების შესახებ შეთანხმების ხელმოწერის მომენტი ნიშნავს, პირობებზე დათანხმებას და  მომსახურების პირობების მიღებას.                        

10.4. წინამდებარე ხელშეკრულება, და შეთანხმება ხელშეკრულებაზე მიერთების შესახებ შედგენილია თანაბარი ძალის  ქართულ და რუსულ ენაზე, შეუსაბამობის შემთხვევაში უპირატესობა მიენიჭება ხელშეკრულების  ქართულ ვარიანტს. 

 


დანართი 1.

ძირითადი ხელშეკრულების უზრუნველყოფის შესახებ შეთანხმება

დანართი 1.

ძირითადი ხელშეკრულების უზრუნველყოფის შესახებ შეთანხმება მოძრავი ნივთის მფლობელობითი გირავნობის ხელშეკრულება

მუხლი 1. ხელშეკრულების მხარეები :

1.1.ძირითად ხელშეკრულებაში მითითებული მხარეები.

 

მუხლი 2. ხელშეკრულების ზოგადი დებულებები.

2.1. წინამდებარე დანართი 1 წარმოადგენს ამ ხელშეკრულების მხარეთა შორის დადებული ძირითადი ხელშეკრულების მუხლ 4.6. ნაკისრი ვალდებულების შესრულების უზრუნველყოფის შეთანხმებას. შემსრულებელს უფლება აქვს დაიკმაყოფილოს ძირითადი ხელშეკრულებიდან გამომდინარე საკუთარი უფლებები  და მოთხოვნები სხვა კრედიტორებთან შედარებით უპირატესად.

 

მუხლი 3. ხელშეკრულების საგანი

3.1. წინამდებარე ხელშეკრულების საგანს წარმაოდგენს დამგირავებლის მიერ, მის საკუთრებაში არსებული მოძრავი ნივთის, მუხლ  4.6. მითითებული ნაკისრი  მომავალში შესასრულებელი ვალდებულების შემსრულებლისათის დაგირავება (პირდაპირ მფლობელობაში გადაცემის გზით) შემსრულებლის სასარგებლოდ.

3.2. წინამდებარე დანართით შემსრულებელს აქვს უპირატესი უფლება სხვა მოგირავნეებთან შედარებით, ძირითადი ხელშეკრულების და მის საფუძველზე დადებული ნებისმიერ დამატებითი ხელშეკრულებ(ებ)ით ნაკისრი ვალდებულებების შეუსრულებლობის ან არაჯეროვანი შესრულების შემთხვევაში დაიკმაყოფილოს თავისი მოთხოვნა ამ ხელშეკრულების მეცხრე მუხლის შესაბამისად გირავნობის საგნის რეალიზაციის ან პირდაპირ საკუთრებაში მიღების ხარჯზე.

 

მუხლი 4. უზრუნველყოფის/გირავნობის საგანი

4.1. წინამდებარე დანართის გირავნობის საგანს წარმოადგენს დამკვეთის საკუთრებაში არსებული ავტომობილი, რომელიც ღია მოედანზე შემოდის პარკირების მომსახურების მისაღებად.  

4.2. გირავნობის საგნის შეფასებითი ღირებულება განისაზღვრება ავტომობილის სავარაუდო საბაზრო ღირებულებით, რომლის ოდენობას მომვალში ვალდებულების შეურლებლის შემთხვევაში ადგენს დამოუკიდებელი ექსპერტი.

 

მუხლი 5. უზრუნველყოფის/ გირავნობის საგნით უზრუნველყოფილი ვალდებულებები.

 5.1. დამკვეთი  გირავნობის საგნით უზრუნველყოფს შემსრულებელს, მათ შორის ძირითადი ხელშეკრულებით ნაკისრ ვალდებულებებს. აგრეთვე ძირითადი ხელშეკრულების საფუძველზე  გაფორმებული ნებისმიერი დამატებითი ხელშეკრულებ(ებ)ით ნაკისრი ვალდებულებ(ებ)ის შეუსრულებლობით ან/და არასათანადო (არასრული, არადროული, არაჯეროვანი) შესრულებით გამოწვეული ზიანის ანაზღაურებას და გირავნობის საგნის შენახვა/მოვლა/რეალიზაციაზე მოგირავნეს მიერ გაწეული დანახარჯების ანაზღაურებას.

5.2. ძირითადი ხელშეკრულებით განსაზღვრული ვალდებულების მოცულობა (შესასრულებელი ვალდებულება) შეადგენს ძირითად ხელშეკრულების 4 მუხლის საფუძველზე დარიცხული თანხის ოდენობას.

5.3. ძირითადი ხელშეკრულების ვადაა მუხლ 7 მითითებული ვადა.

 

მუხლი 6. ხელშეკრულების ძალაში შესვლა და მისი მოქმედების პერიოდი.

6.1. წინამდებარე ხელშეკრულება მოქმედების იმ ვადით რა ვადითაც მოქმედებს ძირითადი ხელშეკრულება.

6.2. ძირითადი ხელშეკრულებით აღებული ვალდებულების სრული და ჯეროვანი შესრულება, რაც იწვევს ძირითადი ხელშეკრულების შეწყვეტას იწვევს წინამდებარე ხელშეკრულების შეწყვეტას.

მუხლი 7. მხარეთა უფლება- მოვალეობები.

7.1. დამკვეთს უფლება აქვს:

7.1.1. მოსთხოვოს შემსრულებელს წინამდებარე ხელშეკრულებისა და ძირითადი ხელშეკრულებით ტვირთული ვალდებულების სრული და ჯეროვანი შესრულება.

7.1.2. შემსრულებლის წინასწარი შეტყობინების შემდგომ შეამოწმოს შემსრულებლის მფლობელობაში არსებული გირავნობის საგანი.

7.1.3. მხარეთა შორის დადებული ძირითადი ხელშეკრულებით ტვირთული ვალდებულებით და მისგან გამომდიარე სხვა ვალდებულებათა სრული და ჯეროვანი შესრულების შემდგომ დაიბრუნოს (მიიღოს პირდაპირ მფლობელობაში) ძირითადი ხელშეკრულების უზრუნველყოფის საშუალებად გამოყენებული საგანი.  

7.2. დამკვეთს უფლება არ აქვს:

7.2.1. ძირითადი ხელშეკრულებისა და მისგან გამომდინარე წინამდებარე ხელშეკრულების მოქმედების პერიოდში ხელმეორედ დააგირავოს წინამდებარე ხელშეკრულებაში უზრუნველყოფის საგნად გამოყენებული საკუთრება, შემსრულებლის წერილობითი თანხმობის გარეშე.  

7.2.2. შემსრულებლის მფლობელობიდან გამოითხოვოს უზრუნველყოფის საგანი, მანამ, სანამ სრულად და ჯეროვნად არ შეასრულებს ამ ხელშეკრულებითა და ძირითადი ხელშეკრულებით ტვირთულ ვალდებულებებს.  

7.3. დამკვეთი ვალდებულია:

7.3.1. სრულად, ჯეროვნად, დათქმულ დროსა და ადგილას შეასრულოს წინამდებარე ხელშეკრულებით ნაკისრი ვალდებულებები, ასევე ყველა ვალდებულება, რომელიც მოცემულია და გამომდინარეობს ამ ხელშეკრულებიდან 2  მუხლში აღნიშნული ძირითადი ხელშეკრულებიდან ან/და ძირითადი ხელშეკრულებიდან გამომდინარე სხვა ნებისმიერი ხელშეკრულებიდან, რომლებიც დადებულია ამ ხელშეკრუკების მხარეებს შორის. 

7.3.2. დაუყოვნებლივ აცნობოს შემსრულებელს  ყველა  იმ  საკითხის  ან/და გარემოების   შესახებ,   რომლებმაც   შეიძლება   რაიმე   სახის გავლენა მოახდინონ უზრუნველყოფის/გირავნობის საგანზე ან მის უფლებრივად დატვირთვის ან მასზე უფლების გადაცემის საკითხზე, გარემოებაზე.  

7.3.3. შემსრულებლის წერილობითი მოთხოვნის საფუძველზე წარუდგინოს მას უზრუნველყოფის/გირავნობის საგანთან დაკავშირებული ნებისმიერი ინფორმაცია და შესაბამისი დოკუმენტაცია. 

7.4. შემსრულებელს უფლება აქვს

7.4.1. მოსთხოვოს დამკვეთს წინამდებარე ხელშეკრულების პირობებისა და ტვირთული ვალდებულების სრული და უპირობო დაცვა. 

7.4.2. იმ შემთხვევაში, თუ შემსრულებელს ხელი შეეშლება წინამდებარე ხელშეკრულებით მინიჭებული უფლებების განხორციელებაში, მას შეუძლია მესამე პირებთან ურთიერთობაში გამოიყენოს იგივე უფლებები რაც გირავნობის საგნის მესაკუთრემ. 

7.4.3. იმ შემთხვევაში, თუ დამკვეთი დაარღვევს წინამდებარე ხელშეკრულებით ან/და ძირითადი ხელშეკრულებით მის მიერ ნაკისრ ნებისმიერ ვალდებულებას, რაც თავის მხრივ, საფრთხეს შეუქმნის ძირითადი ხელშეკრულებით ნაკისრი ვალდებულების დროულად, სრულად და ჯეროვნად შესრულებას, შემსრულებელს უფლება აქვს დაუყოვნებლივ მოსთხოვოს მას ამ ხელშეკრულების ძირითადი ძირითადი ხელშეკრულებით ნაკისრი ვალდებულებ(ებ)ის სრულად და ჯეროვნად შესრულება, ხოლო ამ ვალდებულების შეუსრულებლობის შემთხვევაში, მოგირავნეს უფლება აქვს საკუთარი უფლებების  რეალიზაციის  მიზნით  დამკვეთისათვის უზრუნველყოფის/გირავნობის საგნის რეალიზაციის თაობაზე წერილობითი შეტყობინების მიღების შემდგომ ორი კვირის (თოთხმეტი კალენდარული დღის) შემდეგ უშუალოდ მოახდინოს (განახორციელოს) უზრუნველყოფის საგნის რეალიზაცია დამკვეთისათვის დამატებითი წერილობითი შეტყობინების (გაფრთხილების) გარეშე ან/და მიმართოს სასამართლოს და მოითხოვოს უზრუნველყოფის საგნის მის საკუთრებაში გადმოცემის ან/და მის წინაშე ტვირთული ვალდებულების შესრულების უზრუნველსაყოფად აღსრულება მიექცეს დამკვეთის კუთვნილ ავტომობილზე. 

7.4.4. მხარეთა შორის დადებული ძირითადი ხელშეკრულებით  და მისგან გამომდინარე დადებული სხვა დამატებითი ხელშეკრულებ(ებ)ით ან მათი დამატებ(ებ)ით ნაკისრი ვალდებულებ(ებ)ის დამკვეთის მიერ სრულად და ჯეროვნად შესრულების შემდეგ დაუბრუნოს (პირდაპირ მფლობელობაში  გადასცეს, მისცეს უფლება დატოვოს ღია მოედანი) დამკვეთის კუთვნილი საგანი.

 

8. მხარეთა გარანტიები.

8.1. დამკვეთი ადასტურებს რომ:  უზრუნველყოფის საგანი წარმოადგენს დამკვეთის საკუთრებას; დამგირავებელი მართლზომიერად ფლობს უზრუნველყოფის საგანზე საკუთრების უფლებას; 

8.1.1. დამგირავებელს აქვს ყველა სამართლებრივი უფლება (მათ შორის საჭიროების შემთხვევაში მოპოვებული აქვს ყველა აუცილებელი თანხმობა) იმისათვის, რომ ხელი მოაწეროს წინამდებარე ხელშეკრულებას ხელი.  

8.1.2. ამ ხელშეკრულების დადება არ იწვევს (გამოიწვევს) მის მიერ ადრე დადებული ხელშეკრულებ(ებ)ის პირობების, ვალდებულებების ან/და სამართალმდგომარეობების დარღვევას; 

8.1.3. წინამდებარე ხელშეკრულება დადებულია დამგირავებლის მიერ ნებაყოფლობით, შემსრულებლის ან სხვა მესამე პირების (მხარეთა) მხრიდან ძალადობის, მუქარის, მოტყუების, შეცდომის ან/და რაიმე სხვა ისეთი გარემოებების გამოყენების (ან/და ზემოქმედების) გარეშე, რომლებსაც შეუძლიათ იმოქმედონ (ემოქმედა) დამგირავებლის ნებისა და ამ ნების გამოვლენის ნამდვილობაზე. 

8.1.4. მისთვის  ცნობილია,  რომ  შემსრულებლისათვის

გირავნობის  ხელშეკრულების დადების მიზნით ყალბი ცნობების ან/და დოკუმენტების მიწოდება წარმოადგენს საქართველოს სისხლის სამართლის კანონმდებლობით დასჯად ქმედებას.

 

9. გირავნობის საგნის რეალიზაცია ან/და საკუთრებაში მიღება.

9.1. დამკვეთის მიერ წინამდებარე ხელშეკრულების მუხლებში აღნიშნული (ნაკისრი) ვალდებულებ(ებ)ის (მხარეთა შორის დადებული ძირითადი ხელშეკრულების ან/და მის საფუძველზე დადებული        ნებისმიერი        დამატებითი         ხელშეკრულებ(ებ)ით) არაჯეროვანი (არასრული, არადროული) შესრულების შემთხვევაში შემსრულებელი უფლებამოსილია მიიღოს საკუთარი მოთხოვნის დაკმაყოფილება ამ ხელშეკრულების უზრუნველყოფის საგნიდან საქართველოს მოქმედი კანონმდებლობის შესაბამისად. 

9.2. შემსრულებელს შეუძლია  საქართველოს  სამოქალაქო  კოდექსის  283-ე  მუხლის შესაბამისად უზრუნველყოფის საგნის რეალიზაცია განახორციელოს პირდაპირი მიყიდვის გზით. ამ შემთხვევაში შემსრულებელს, როგორც დამკვეთის მიერ სათანადო უფლებამოსილებით აღჭურვილ პირს უფლება აქვს დადოს უზრუნველყოფის საგნის (მოძრავი ნივთის ან არამატერიალური ქონებრივი სიკეთის) ნასყიდობის ხელშეკრულება, რომლის საფუძველზეც შემსრულებელი დამკვეთის (მესაკუთრის) სახელით გადასცემს საკუთრების უფლებას უზრუნვეყოფის საგანზე მის მიერ (მოგირავნეს მიერ) შერჩეულ ნებისმიერ პირს. 

9.3. შემსრულებელი უფლებამოსილია მიმართოს სასამართლოს და მოითხოვოს ძირითადი ხელშეკრულებიდან გამომდინარე შეუსრულებელი ვალდებულების (არსებული დავალიანების დაფარვის მიზნით) შესრულება და მოითხოვოს აღსრულების მიქცევა უზრუნველყოფის საგანზე. ამ შემთხვევაში დამოუკიდებელი ექსპერტის მიერ ხდება დამკვეთის საკუთრების შეფასება, რომლის ხარჯიც დაეკისრება დამკვეთს ან/და მოითხოვოს გირავნობის საგნის მის საკუთრებაში გადაცემა და საკუთრებად აღრიცხვა შსს მომსახურების სააგენტოს ავტომატიზირებულ ბაზაში.  

9.5. იმ შემთხვევაში სასამართლო გადაწყვეტილების აღსრულების დროს, ავტომობილის რეალიზაციიის ფასი გადააჭარბებს შემსრულებლის მიერ გაწეულ ხარჯებს (მათ შორის: სასამართლო სახელმწიფო ბაჟის, ქონების შეფასების ხარჯი, აღსრულების ხარჯი აგრეთვე სხვა მოსალოდნელი ხარჯი) დარჩენილი თანხა გადაეცემა დამკვეთს ან/და აღნიშნული თანხა შემსრულებლის მიერ შეინახება შესაბამისად შერჩეული ნოტარიუსის სადეპოზიტო ანგარიშზე, რომლის შესახებაც ეცნობა დამკვეთს.

9.6. იმ შემთხვევაში თუ უზრუნველყოფის საგნის სარეალიზაციო თანხა ვერ დაფარვს შემსრულებლის მიერ გაწეული ხარჯების ოდენობას აღსრულება მიექცევა დამკვეთის სხვა საკუთრებაზე.

9.7. ამასთან ერთად იმ შემთხვევაში თუ მოვალე 1 წლის განმავლობაში სისტემატიურად, უხეშად არღვევს გადახდის პირობებს და თუ დამკვეთის დავალიანებამ მიაღწია ძირითად ხელშეკრულებაში მითითებულ „ზღვრულ ოდენობას“ შესმრულებელს უფლება აქვს მოითხოვოს დავალიანების დაფარვის მიზნით მიმართოს სასამართლოს და მოითხოვოს ავტომობილის აღსასრულებლის მიქცევა დავალიანების დასაფარად ან/და მოითხოვის მისი საკუთრებაში გადაცემა.    

9.8. შემსრულებელს მიმართ დამკვეთის ფულადი ვალდებულების/დავალიანების (შენახვის ხარჯების) მომავალში წარმოშობის გამო, შემსრულებელს წარმოეშობა მფლობელობითი გირავნობის უფლება, დამკვეთის კუთვნილ ავტოსატრანსპორტო საშუალებაზე.  

9.9. მფლობელობითი გირავნობის უფლება არსებობს მანამ სანამ დამკვეთს ტვირთული ვალდებულების (დავალიანების არსებობა) შესრულება არსებობს შემსრულებლის მიმართ,  და დამკვეთის ავტომობილი იმყოფება ღია მოედანზე.  

9.10. გირავნობის უფლება ავტომობილზე ნიშნავს დამკვეთის მიერ „შემსრულების“ მიმართ ნაკისრი ვალდებულებების შეუსრულებლობის, ან არაჯეროვნად შესრულების შემთხვევაში “შესმრულებელს” უფლება აქვს სხვა კრედიტორებთან შედარებით უპირატესად დაიკმაყოფილოს თავისი მოთხოვნა.  

9.11. „შემსრულებლის“ გირავნობის უფლება   დამკვეთის ავტომობილზე არსებობს მანამ სანამ „დამკვეთს“ „შემსრულებლის“ მიმართ გააჩნია  შენახვის ხარჯი (დავალიანება).

9.12. შენახვის ხარჯები წარმოიშობა დამკვეთის ავტომობილის შემსრულებლის ტერიტორიაზე შემოსვლის პირველივე დღიდან, როგორც კი გაწეული იქნება შემსრულებლის მხრიდან ერთჯერადი მომსახურების საფასური, რომელსაც შესაბამისად ემატება ყოველდღიური პარკირების მომსახურების საფასური.  

9.13. გირავნობის უფლება არსებობს მანამ სანამ არსებობს ტვირთული ვალდებულება და ავტომობილი იმყოფება შემსრულებლის პირდაპირ მფლობელობაში. 

9.14. იმ შემთხვევაში თუ დამკვეთი ჯეროვნად ასრულებს მის მიერ ტვირთულ ვალდებულებას (დავალიანების დაფარვა), გირავნობის უფლება არსებობს მანამ  სანამ ავტომობილი არ დატოვებს შემსრულებლის ღია მოედანს. 

9.15. დამკვეთის უფლება აქვს შემსრულებლისგან დამოუკიდებლად ისარგებლოს ტვირთული ვალდებულების უზრუნველყოფის საგნით. თუ დამკვეთი უზრუნველყოფის საგანს გაასხვისებს იგი ვალდებულებია აცნობის მომავალ მესაკუთრეს მფლობელობითი გირავნობის არსებობის შესახებ.  ივარაუდება რომ, შემსრულებლის წინაშე არსებული ტვირთული ვალდებულებიდან გამომდინარე, მყიდველი დამკვეთიდან იძენს უფლებრივად უკვე დატვირთულ ნივთს.

 

10.მუხლი შეტყობინება:

10.1.  წინამდებარე ხელშეკრულების მიზნებისათვის ხელშეკრულების მხარის მიერ წერილობითი შეტყობინების მიღების (და შეტყობინების მიღების ფაქტის დადგომის) ვადის ათვლა იწყება მიმღები მხარის მიერ შეტყობინების მიღების დამადასტურებელ საბუთზე ხელისმოწერის დღიდან. 

10.1. ყველა სახის შეტყობინება, გაფრთხილება, პრეტენზია, კორესპონდენცია და საბუთები, რომლებიც გამომდინარეობენ ამ  ხელშეკრულებიდან ან/და მისი დამატებ(ებ)იდან, გაფორმებული უნდა იყოს წერილობითი ფორმით ქართულ ენაზე და გადაგზავნილი დაზღვეული წერილის ან/და კურიერის მეშვეობით დამკვეთის მიერ მითითებულ მისამართზე: 

10.1. წინამდებარე  ხელშეკრულებიდან   გამომდინარე   ნებისმიერი   შეტყობინება განხორციელებულა ითვლება მხოლოდ ადრესატის მიერ შეტყობინების მიღების მომენტიდან.იმ შემთხვევაში თუ დამკვეთის არ ბარდება მითითებულ მისამართზე შეტყობინება, შემსრულებელი უფლებამოსილია დამკვეთის საცხორვებელი ადგილზე გავრცელებული გაზეთით მოახდინოს შეტყობინების ჩაბარება. ჩაბარებულად ჩაითვლება გამოქვეყნებიდან 2 კვირიანი ვადის გასვლა.

 

11. ხელშეკრულების შეწყვეტის საფუძვლები.

11.1. წინამდებარე ხელშეკრულების საფუძვლებია:

11.1.1 მხარეთა შეთანხმება.  

11.1.2. ძირითადი ხელშეკრულებით გათვალისწინებული ვალდებულებების სრული და ჯეროვანი შესრულება. 

11.1.3. უზრუნველყოფის საგნის შემსრულებლის საკუთრებაში გადასვლა.

11.1.4. საქართველოს კანონმდებლობით განსაზღვრული სხვა საფუძვლები.

 

12. ფორს-მაჟორი

12.1. ამ ხელშეკრულების მიზნებისათვის „ფორს–მაჟორი“ ნიშნავს მხარეებისათვის გადაულახავ და მათი კონტროლისაგან დამოუკიდებელ გარემოებებს, რომლებიც არ არიან დაკავშირებული „დამკვეთის“ ან/და „შემსრულებლის“  შეცდომებსა და დაუდევრობასთან და რომლებსაც გააჩნია წინასწარ გაუთვალისწინებელი ხასიათი. ასეთი გარემოება შეიძლება გამოწვეულ იქნეს ომით, სტიქიური მოვლენებით, ეპიდემიით, კარანტინით და საქონლის მიწოდებაზე ემბარგოს დაწესებით, საბიუჯეტო ასიგნებების მკვეთრი შემცირებით და სხვა. აღნიშნულის შესახებ დაუყოვნებლივ უნდა ეცნობოს მეორე მხარეს, როგორც ზეპირად, ისე წერილობით.  

 

13.ხელშეკრულების დამატებითი პირობები:

13.1. წინამდებარე ხელშეკრულების რომელიმე მუხლის (ან მისი ნაწილის) ბათილობა არ გამოიწვევს მთლიანად ხელშეკრულების ბათილობას.

13.2. ხელშეკრულება არ შეიცავს რაიმე დამატებით სიტყვიერ შეთანხმებას. ეს იმას ნიშნავს, რომ ამ ხელშეკრულების მხარეებს შორის არსებული ნებისმიერი ზეპირი შეთანხმება ხელშეკრულების  საგანთან მიმართებაში წინამდებარე ხელშეკრულების ძალაში შესვლის მომენტიდან კარგავს ძალას და მას არ მოყვება არავითარი სამართლებრივი შედეგი. 

13.3. ნებისმიერი ცვლილება ან/და დამატება წინამდებარე ხელშეკრულებაში  (ან მის რომელიმე დანართში) შეიტანება წერილობითი ფორმით და წარმოადგენენ ამ ხელშეკრულების განუყოფელ ნაწილს. 

13.4. . საკითხები, რომლებიც წარმოშვებიან წინამდებარე ხელშეკრულების მხარეებს შორის და რომელთა რეგულირებაც არ არის მოცემული ამ ხელშეკრულებაში, გადაწყდება საქართველოს მოქმედი კანონმდებლობის საფუძველზე. 

13.4. ძირითადი ხელშეკრულების უზრუნველყოფის შესახებ შეთანხმებაზე, ხელმოწერა ნიშანვს რომ პირი გაეცნო აღნიშნულს, იზიარებს მას, ეთანხმება მის პირობებს და სწორედ ამ პირობებზე დაყრდნობით სურს მას შემსრულებელთან გარიგების დადება, და გაცნობილია წინამდებარე ხელშეკრულებას ელ.მისამართზე (ლინკი https://autopapa.ge/ge/page/public-agreement-mikado).

13.5. „ძირითადი ხელშეკრულების უზრუნველყოფის შესახებ, მიერთების შეთანხმება“ შედგენია ქართულ ან რუსულ ენაზე.

13.6. მხარეები თანხმდებიან რომ წინამდებარე ხელშეკრულების და ძირითადი ხელშეკრულების შესრულების ადგილი არის ქალაქი რუსთავი, შემსრულებლის ადგილსამყოფელი.